اول مرة شوفتها حسيت ان الزمن وقف , للى حواليا كله اختفى اكن كل حواسى تلاشت على نور طلتها ومسبتليش غير عينى بس تسرح فيها,هيا مش احلا واحدة فى الكون ولا اجمل بنت فى الدنيا بس لما شوفتها حسيت انى مش عاوز اشوف غيرها مش عاوز حاجة تانية تحس بيها شبكية عينى مش عاوز غيرها يوصل لبؤبؤى .
وشها مش عارف سره ايه , اخر حد من اطلانطس ! سفير الملايكة وسطنا ! عمل حد صالح نزلنا من السما .
قلبى من ساعتها ناطط و مشفوط فوق خالص جنب عصبى العينى بيسئل فين للى قومنى من تربتى مين للى حيانى
شدنى من ضلمة وحدتى حسسنى برجعتى تانى لايامى.
نفسى تبقى ليا نفسى اعرف سرك نفسى تبقى ليا نفسى اقرب منك
عارف انك عمرك محتشوفى الكلام ده ولو شفتيه مش حتعرفى انك المقصودة
بس اعمل ايه يارتنى كنت فرعونى كنت حبنيلك معابد وانقشلك على كل جدار صورة
يارتنى كنت اله كنت بعتك رسول لعبادى عشان يعرفوا قد ايه بحبهم
يارتنى كنت كل حاجة تقربنى وتوصل ليكى حبى
حقيقى مش عارف مالى
حقيقى مقلوب كيانى
حقيقى نفسى نتجمع جوه بعض
بس تفضلى قدامى
مش عاوز اشوف غيرك
مش عاوز اسمع غيرك
مش عارف ابطل كلام عنك مش عارف محكيش عليكى
الاشتراك في:
تعليقات الرسالة (Atom)
ليست هناك تعليقات:
إرسال تعليق