محدش عارف كان حصل ايه

كالعادة كانت بداية يوم مش نايس خالص , بدون الدخول فى تفاصيل الدنيا كلها كانت عاكسى ورغم انى صاحى بدرى وحاولت اروح الكلية كل الدنيا والبنطلونات اتأمرت عليا عشان مروحش .

الناس بقه للى شكتلها من همى تقولك ايه , قضا اخف من قضا ... يعنى ايه : يعنى كان ممكن انداس فى الشارع , بلكونة تقع عليا بالانبوبة , بركان ينفجر تحت رجلى والحاجات الظريفة دى .

طيب ليه اصلا افترض انه حتحصلى حاجات وحشة عشان كده تكتلت عليا الظروف , ليه ميكونش كان ممكن اقابل البنت للى بدور عليها , يقابلنى استاذ طارق علام واكسب سخان , او حتى الراجل للى بيتبسط لو شافك بتشرب بيريل

ليه ثقافة ان الدنيا غدارة ولما بتحب تظبطهالك بتوقعك فى مصيبة اخف ...... ده اكيد ثقافة عملها حد من الناس للى معاهم فلوس او من للى واصلين عشان يضحكوا على الناس الفقرا ... يعم زعلان على انك معكش فلوس فيه غيرك عندهم اسهال مزمن , مش لاقى شقة فى غيرك الشقة بتقع عليهم , مش عارف تجوز , فيه غيرك مراتتاهم بيدبحوهم .

هو فيه ايه انا مش فاهم بجد , اتبضنت اووووووووووووووف اتووووووووووووووووف خخخخخخخخخخخخخخخ