لما الدنيا بتسود الحياة بتبقى بضينة ... تلاقى ان كل حاجة ماشية بطريقة نسبة انها تحصل قليلة اووى , فى يوم واحد ممكن تطلع نتيجتك تلاقيها سودا , البنت بتاعتك تعمل مشكلة معاك , فريقك للى بتحبه تلاقيه خسر ................
ياترى للى بيحصل ساعتها وليه اصلا ده بيكون , الموضوع ده من زمان والناس بتوع زمان اخدوا بالهم منهم والدليل مقولة " لاتاتى المصائب فرادى "
رغم ان الحاجات الكويسة عمرها مبتبقى كده مع بعض , فيه ناس بتقول ان البنى ادم هو للى بيتشائم وبيشد المصايب ليه باعتبار انه مغناطيس وده اللى فيه كتب بتقوله , وده بصراحة انا بصدقه فى الحاجات المعنوية او الحاجات للى تأثيرها ليه علاقة بيا بس متوصلش يعنى ان الزمالك يتهزم عشان انا شديت اوسة ووقعته فى الارض زى الفسيخة .
قمة القرف لما تكون عايش حياة خنيقة , بتعمل كل حاجة تقدر عليها بس تحس انك مش مصروفلك مهما تعمل متبهدل متبهدل , حظك وحش , بتتحط فى مواقف ملهاش لزمة , ظروف زفت بتحصل علطول .. ممكن رسالة من ربنا ولا رسالة منك ليك ولا مجرد هبل ولا استهبال من النظام الشمسى , بلا قرف .
ابعتلى على الميل
anababayalla[@]hotmail.com
السبت، 14 فبراير 2009
الاشتراك في:
تعليقات الرسالة (Atom)
ليست هناك تعليقات:
إرسال تعليق